Marami sa atin ang pinagpala pagdating sa mga taong nakarelasyon at naging mga katuwang natin sa buhay. Dahil sa pagmamahal, respeto at pang-unawa nila sa atin ay talaga namang naging mas matatag at maganda ang ating pagsasama.

Sa kasamang palad ay mayroon din namang mga taong hindi pinalad na makatagpo ng taong magmamahal at rerespeto sa kanila bilang isang lalaki o bilang isang babae. Kamakailan lamang ay naging inspirasyon sa publiko ang ika-9 na taong pagdiriwang ng celebrity couple na sina Vic Sotto at Pauleen Luna ng kanilang halos isang dekadang pagsasama bilang magkarelasyon.

Sa naging social media post ni Pauleen ay talaga namang nakaramdam ng kilig ang maraming mga netizens. Ayon kasi sa simple ngunit nakakaantig na post ni Pauleen ay hindi pa rin niya lubos maisip na asawa na niya ngayon si Vic.

Inalala pa niya ang unang beses na tinawagan siya nito na talaga namang hanggang ngayon ay hindi pa rin niya nakakalimutan. Para kay Pauleen, ito na ang pinakamasayang bahagi ng kaniyang buhay.

Dahil dumating sa buhay niya ang kaniyang dating kasintahan at mister na ngayon na si Vic ay mas nagkaroon pa siya ng dahilang mabuhay. Minsan na ding sinagot ni Pauleen ang tanong kung hindi nga ba siya naapektuhan ng halos 35 taon nilang age gap ng kaniyang mister.

Ayon naman sa kaniya, kailan man ay hindi siya sinigawan ni Vic. Palagi niyang pinaparamdam na mahal siya nito, nirerespeto siya nito ng buong puso kahit ano pa ang kanilang edad.

Hindi niya naramdaman na bata ang turing sa kaniya ng kaniyang mister at talaga namang ipinagpapasalamat niya ito sa Diyos. Tunay nga na kahit napakaraming mga tao ang humuhusga sa kanilang pag-iibigan ay hindi sila nagpapaapekto.

Bagkus ay mas nagiging matatag pa sila sa paglipas ng panahon at mas lalong minamahal nila ang isa’t-isa. Lalo na sa ngayon na sila ay hindi lamang isang mag-asawa kundi mga magulang na rin sa kanilang 3 taong gulang na anak na si Baby Tali.

Si Lyca Jane Epe Gairanod o mas nakilala ng publiko bilang si Lyca Gairanod ay 15 taong gulang na singer at aktres. Siya ang tinanghal na grand winner sa unang season ng “The Voice Kids Philippines” kung saan nagkaroon siya ng pagkakataon na makatanggap ng recording contract mula sa MCA Music Inc. Siya ay ipinanganak noong taong 2004 sa Tanza, Cavite.

Hindi na lingid sa kaalaman ng publiko ang mahirap nilang pamumuhay noon ng kaniyang pamilya. Namumulot at nangongolekta lamang kasi noon ang kaniyang ina ng mga plastic, dyaryo, bote, karton, at iba pang mga bagay na maaaring maibenta sa mga “junk shop”.

Ang kaniyang ama naman ay nangingisda upang mayroong pandagdag sa kanilang mga gastusin. Kahit musmo pa lamang noon si Lyca ay talagang sinisikap na niyang tumulong sa kaniyang pamilya. Madalas ay kumakanta siya para sa kanilang mga kapit-bahay kapalit ay pagkain o kaunting halaga.

Tunay nga na hindi naging madali ang lahat para sa kaniya at sa kaniyang pamilya ngunit hindi sila nawalan ng pag-asa at patuloy pa rin silang lumaban sa mga pagsubok ng buhay. Makalipas ang ilan pang mga taon ay sinubukan niyang lumahok sa mga singing contest hanggang sa nabigyan siya ng pagkakataong makasali sa “The Voice Kids Philippines” kung saan siya tinanghal na kampeon. Mula noon ay nagbago na ang kanilang buhay.

Kung dati ay hirap na hirap silang makahanap ng pera para sa kanilang araw-araw na pangkain, ngayon ay maayos na silang nakakakain palagi at mayroon na rin silang maayos na bahay. Kamakailan nga lamang ay ipinasilip din ni Lyca sa marami niyang mga tagahanga at tagasuporta ang simple ngunit komportable nilang tahanan.

Ang tahanan niyang ito ay matatagpuan sa Cavite. Tulad ng mga ordinaryong bahay ng marami sa atin ay mayroon din itong kusina, banyo, kainan, kwarto at stockroom o imbakan. Simple lamang ang kanilang tahanan ngunit maayos at maaliwalas ito.

Bakas din naman sa mga mata ni Lyca na sa ngayon ay kuntento na siyang mayroong maayos na masisilungan ang buo niyang pamilya sa bahay na kaniyang naipundar mula sa kaniyang pagpapagal sa showbiz. Ibinahagi din niyang marami pa siyang plano sa bahay nilang ito ngunit sa ngayon ay talagang komportable at masaya sila sa kung anong mayroon sila basta’t magkakasama silang mag-anak.