Connect with us

Showbiz

Dating miyembro ng Streetboys na si Spencer Reyes, isa na palang bus driver ngayon sa Scotland!

Published

on

Ang Pinoy dance group na Streetboys ay isa sa pinakasikat na dance group noong ‘90s. Talaga namang maraming mga kababaihan ang namangha at bumilib sa pambihirang husay nila sa pagsasayaw. Hindi rin maipagkakailang mayroon silang angking kaguwapuhan at kakisigan.

Ngunit makalipas ang ilang mga taon ay hindi na natin sila muli pang nasilayan. Gaya ng ilang mga sikat na grupo at personalidad sa industriya ng show business ay mayroon na din silang kaniya-kaniya nilang mga buhay.

Ilan sa mga miyembro ng grupong ito ay sina Vhong Navarro, Jhong Hilario, Meynard Marcellano, Spencer Reyes, Nikko Manalo, Sherwin Roux, Chris Cruz, Danilo Barrios, Brian Seminiano, Joseph de Leon, Danilo Agat Jr., Eugene Calo, at Ken Lumansoc. Kamakailan lamang ay naging laman ng mga balita ang buhay ng isa sa kanila, si Spencer Reyes.



Hindi lamang siya hinangaan dahil sa angking galing niya sa pag-indak kundi maging sa husay niya sa pag-arte. Hindi katulad ng iba niyang mga kagrupo sa Streetboys ay tumahak na nga ng ibang karera si Spencer.

Sa naging panayam sa kaniya noon ng DZRH ay sa Scotland na pala siya naninirahan kasama ang kaniyang pamilya. Masaya at kuntento siya sa buhay niya ngayon kasama ang kaniyang asawa at dalawang mga anak.

Ayon sa naging pahayag niya ay taong 2008 nang napagdesisyunan nilang manirahan sa England ngunit 2014 nang nagtungo sila ng Scotland upang doon na sila permanenteng tumira. Nagbahagi din naman si Spencer ng naging karanasan niya sa pamumuhay niya sa ibang bansa.

Ayon sa kaniya hindi naging madali ang kanilang buhay at talagang kinailangan nilang magsakripisyong mag-asawa. Nagtrabaho siya bilang isang nurse sa England at doon niya rin naisipang mag-aral ng “Electrical Engineering”, “Plumbing”, and “Heating” sa isang vocational school roon.

Kalaunan ay napagdesisyunan na niyang maging isang bus driver sa Scotland na ayon mismo sa kaniya ay hindi rin naging madali. Kailangan niya kasi pumasa sa ilang mga pagsusulit at pagkatapos nito ay mayroon ulit siyang kailangang kuhanin na lisensiya upang makapagmaneho ng bus.

Higit anim na buwan siyang nag-aral upang maipasa ang “hazard and theory” at pagkatapos nito ay kailangan niyang pumasa sa halos sampung online tests.


Showbiz

Talaga namang nakakakilig ang simpleng mensahe ni Arjo Atayde para kay Maine Mendoza: “She’s my core and I’m happy.”

Published

on

Si Juan Carlos Campo Atayde o mas nakilala natin sa screen name niyang Arjo Atayde ay isa sa pinakamahusay na aktor ngayon sa industriya ng show business. Ang kaniyang ina ay ang batikang aktres na si Sylvia Sanchez habang isa na ring aktres ang kaniyang kapatid na si Ria Atayde.

Photo credits: Arjo Atayde instagram

Mayroon pa siyang dalawang nakakabatang kapatid maliban kay Ria, sina Gela at Xavi. Sa ngayon ay labis na pinagpala ang aktor hindi lamang dahil sa napakagandang takbo ng kaniyang pag-aartista kundi maging sa napakakulay niyang buhay pag-ibig.

Mas nagiging matatag pa kasi sila ng kaniyang nobyang si Maine Mendoza sa paglipas ng panahon. Nang makatanggap si Arjo ng “Best Actor” award nyka sa Asian Academy Creative Awards ay talaga namang napakasaya niya.

Photo credits: Arjo Atayde instagram



Binati siya ng kaniyang pamilya, mga kaibigan at maging ng kaniyang nobyang si Maine. Naging kahanga-hanga kasi ang kaniyang pagganap sa iWant digital series niyang “Bagman”.
Matapos pasalamatan ng aktor ang kaniyang pamilya at mga kaibigan, labis din siyang nagpasalamat kay Maine na siyang naging “core” niya at dahilan ng kaniyang kaligayahan. Tunay nga na marami pa rin ang kinikilig sa kanilang relasyon.

Photo credits: Arjo Atayde instagram

Ibinahagi din ni Arjo na hindi sila ang klase ng mga magkasintahan na madalas nagpopost sa social media patungkol sa kanilang relasyon. Para kay Arjo ay Maine ay napakahalaga ng pagmamahal at respeto nila sa isa’t-isa. Malaking bagay din na hindi na nilang ibinabahagi pa sa social media ang lahat ng nangyayari sa kanila.

Photo credits: Arjo Atayde instagram

Masaya na silang magkasama, magkulitan at mag-usap sa tuwing magkakasama sila. Para naman kay Arjo, sabik na siyang subukan na maging isang “producer” sa wastong edad marahil ay sa 2021.

Ngunit hindi pa rin niya kalilimutan o kinaliligtaan ang mga taong nais niya talagang makasama sa hinaharap. Sina Denzel Washington, Robert de Niro, Anthony Hopkins at marami pang iba.

Sa mga local celebrities naman ay nais niyang makatrabaho sina John Lloyd at Maine sa hinaharap.


Continue Reading

Showbiz

Karla Estrada, ibinahagi sa publiko na may sapat nang pera ang kaniyang anak na si Daniel Padilla sa edad nitong 35-anyos at maaari na din itong magretiro nang ganoon kaaga!

Published

on

Marami sa atin ang nagsusumikap na makapagtapos ng pag-aaral upang makahanap ng maganda at maayos na trabaho sa hinaharap. Ito ay upang maging komportable ang pamumuhay ng isang tao gayundin naman ang kaniyang magiging pamilya.

Photo credit: Daniel Padilla instagram

Nakakalungkot lamang isipin na marami sa atin ang talagang nagsusunog ng kilay at nagpapakapagod matupad lamang ang pangarap natin ito. Makapagpundar ng ilang mga ari-arian, sasakyan at negosyo, masuportahan ang ating sariling pamilya sa abot ng ating makakaya at makapagretiro sa wastong edad upang kahit papaano ay maging masaya naman tayo sa ating pagtanda.

Photo credit: Daniel Padilla instagram

Marahil ito ang ilan sa mga pangarap ng mga ordinaryong indibidwal sa ngayon. Ngunit para sa aktor na si Daniel Padilla, hindi na niya ito dapat pang alalahanin.



Ayon kasi sa naging pagbubunyag ng kaniyang ina na si Karla Estrada sa naging pagkukwentuhan nila ni Dra. Vicki Belo sa vlog ng huli, may sapat nang ipon si Daniel. Sa edad na 35 ay sigurado na ang kaniyang ina na mayroon na siyang perang nakalaan kahit pa magretiro na ito nang ganoon kaaga at tiyak na hanggang sa mga magiging apo niya ay aabot ito.

Photo credit: Daniel Padilla instagram

Pagbabahagi pa ni Karla, hindi talaga palahingi ang kaniyang anak sa kaniya ng pera, ngunit sa oras na humingi na ito sa kaniya ay talagang mapapakapit ka sa pader dahil madalas ay kotse o di kaya naman ay motorsiklo ang pinaglalaanan niya ng pera niyang ito. Hindi din naman nagkulang ang kaniyang ina na pangaralan siya tungkol dito.

Ayon kay Karla ay palagi niyang sinasabi sa kaniyang panganay na alamin muna kung magandang klase ba ito bago niya bilhin. Nais na rin niyang hayaan ang anak na maghawak ng sarili niyang pera upang matuto na rin ito sa pagba-budget dahil sa hindi na rin naman siya bumabata.

Photo credit: Daniel Padilla instagram

Sa ngayon ay 25-anyos na ang aktor at talaga namang marami pa rin ang dumadating na mga proyektong pelikula, teleserye at “endorsements” sa kaniya.


Continue Reading

Showbiz

Charee Pineda, ligtas na isinilang ang panganay nilang anak ng kaniyang mister!

Published

on

Si Crissha Morrison Pineda o si Charee Pineda-Soledad ay 30 taong gulang na aktres at pulitiko. Siya ay unang nakilala bilang isang Kapamilya artist kung saan siya nakagawa ng ilang mga proyekto tulad na lamang ng “Let’s Go”, “Katorse”, “Precious Hearts Romances Presents: Alyna”, “Angelito: Batang Ama” at “Angelito: Ang Bagong Yugto”.

Matapos nito ay lumipat siya sa GMA-7 kung saan nabigyan din siya ng maraming mga proyekto sa telebisyon at pelikula. Sa ngayon ay “incumbent councilor” siya ng Valenzuela City.

Kamakailan lamang ay binati siya ng maraming mga netizens dahil sa pagsisilang niya sa kanilang panganay na anak. Nagsilang ng isang “baby boy” ang aktres na pinangalan nilang Baby Cesco o Martell Franceso Soledad.



“My answered prayer” at “Early Christmas present” nga ang paglalarawan ni Charee sa kanilang anak. Talaga namang walang mapagsidlan ang kaniyang kagalakan.

“My answered prayer. My baby Martell Francisco Soledad! So many blessing to be thankful for. First, Thank you Lord for our super early Christmas present. Thank you for keeping us safe.” Pagbabahagi ni Charee sa kaniyang Instagram post.

Nagpasalamat siya sa Diyos dahil sa naging ligtas ang kaniyang pagsilang, ligtas siya at ang kaniyang anak kahit pa nga 38 weeks pa lamang si Baby Cesco. Hindi rin niya nakalimutang pasalamatan ang mga doktor at nars na nag-asikaso sa kanilang mag-ina.

Maging ang kaniyang mister na si Martell ay nagpasalamat sa lahat ng mga taong tumulong at nagdasal para sa kaligtasan ng kaniyang mag-ina. Biro pa niya, panay kausap daw kasi ni Charee sa kanilang anak habang nasa sinapupunan pa niya ito.

Nais ni Charee na makasama na nila si Baby Cesco bago sumapit ang Kapaskuhan kung kaya naman Nobyembre 28, 2020 nang maipanganak siya. Tunay nga na walang makapapantay sa kaligayahan nadarama ng mga magulang oras na masilayan nila ang kanilang supling.

Maaaring mahirap ang pagbubuntis, panganganak, at pagpapalaki ng bata ngunit ang karanasang ito ay magkasamang pinagdaraanan ng mag-asawa na lalong nakapagpapatatag sa kanilang pagsasamahan.


Continue Reading

Trending

Copyright © 2020 Chosen Files Powered by Wordpress.org