Connect with us

Showbiz

Throwback pictures ng mga sikat na celebrities ngayon, pinagkaguluhan ng maraming mga netizens!

Published

on

Lahat naman tayo ay dumaan sa pagiging bata. Marami sa atin ang talagang na-enjoy ang pagiging malikot at makulit na bata tulad ng tipikal na kabataang Pilipino. Mula sa pagiging bata ay lumaki na rin ang marami sa atin upang maging isang responsible at mabubuting tao. Tulad na lamang ng mga sikat na personalidad na ito, silipin natin ang naging pagbabago sa kanilang pisikal na anyo noong kanilang kabataan kumpara sa ngayon na nasa wasto na silang mga edad.

MAYMAY ENTRATA


Si Marydale “Maymay” Entrata ay 23 taong gulang na aktres, singer, modelo at host. Una na siyang nakilala noong 2016 matapos niyang magwagi bilang big winner sa “Pinoy Big Brother: Lucky 7”. Kapansin-pansin naman sa throwback picture niyang ito na kahit noon pa man ay taglay niya talaga ang natural na kagandahan ng isang tunay na Pilipina.

KATHRYN BERNARDO


Ang 24 na taong gulang na si Kathryn Chandria Manuel Bernardo o mas nakilala ng publiko bilang si Kathryn Bernardo ay isang sikat na aktres, modelo, endorser at negosyante. Hinangaan siya noon bilang si Mara sa TV series na “Mara Clara”. At mula noon ay nabigyan na siya ng pambihirang pagkakataon na makagaw ang mga pambihirang pelikula na labis na hinangaan at tinangkilik ng maraming mga Pilipino. Sa kaniyang throwback picture ay kapansin-pansin din na mas lalo pa siyang gumanda sa ngayon.



LIZA SOBERANO


Si Hope Elizabeth “Liza” Soberano ay 22 taong gulang na Filipina-American na aktres at modelo. Isa siya sa pinakahinahangaang aktres sa bansa, hindi lamang dahil sa angkin niyang mga talento at mabuting puso kundi dahil na rin sa natural at mala-Diyosa niyang kagandahan.

KIM CHIU


Si Kimberly Sue Yap Chiu o Kim Chiu ay 30 taong gulang na aktres, modelo, at host. Marami na rin siyang natanggap na mga pagkilala at karangalan dahil sa kaniyang pambihirang talento sa pag-arte. Kahit noong bata pa siya ay nakitaan na rin siya ng pambihirang talento at ganda ng maraming mga Pilipino.

ANGELICA PANGANIBAN


Si Angelica Charlson o si Angelica Panganiban ay 33 taong gulang na akttes, komedyante at endorser na nagsimula sa industriya ng show business sa edad na anim na taong gulang. Mula pa man noong bata pa siya ay talagang mayroon na siyang pambihirang ganda na hanggang sa ngayon ay taglay pa rin niya.

BEA ALONZO


Si Phylbert Angelli Ranollo Fagestrom o si Bea Alonzo ay 32 taong gulang na aktres, modelo at endorser. Sa ngayon ay isa rin siya sa may pinakamagandang mukha sa industriya ng show business ngunit wala din namang naging malaking pagbabago sa kaniyang hitsura dahil sa napakaganda pa rin niya.

ANNE CURTIS


Si Anne Curtis Smith-Heussaff ay 35 taong gulang na Filipino-Australian actress, modelo, television host, VJ at recording artist. Parang wala din namang pinagbago ang throwback photos ni Anne sa mga larawan niya ngayon.

MAINE MENDOZA


Si Nicomaine Dei Capili Mendoza ay 25 taong gulang na aktres, host, negosyante, at endorser. Sumikat siya bilang si Yaya Dub ng Eat Bulaga! at Dubsmash Queen ng social media community. Kung noon ay neneng nene pa ang kaniyang hitsura, ngayon ay talagang napakaganda at napaka-sexy na niya.

SARAH GERONIMO


Si Sarah Asher Tua Geronimo-Guidicelli ay 32 taong gulang na singer, aktres, mananayaw, at record producer. Taong 2002 nang makilala siya ng publiko matapos niyang magwagi sa singing contest na “Star for a Night”. Mula noon ay mas marami pa ang bumilib at humanga sa pambihira niyang talento sa pagkanta, pag-arte at pagtatanghal. Mas gumanda din siya ngayon lalo na at isa na siyang misis.

Sila ang mga artistang hinahangaan at minamahal natin hanggang sa ngayon, hindi lamang dahil sa angkin nilang mga kagandahan kundi lalo’t higit sa kanilang pambihirang mga talento at mabuting puso.


Showbiz

Charee Pineda, ligtas na isinilang ang panganay nilang anak ng kaniyang mister!

Published

on

Si Crissha Morrison Pineda o si Charee Pineda-Soledad ay 30 taong gulang na aktres at pulitiko. Siya ay unang nakilala bilang isang Kapamilya artist kung saan siya nakagawa ng ilang mga proyekto tulad na lamang ng “Let’s Go”, “Katorse”, “Precious Hearts Romances Presents: Alyna”, “Angelito: Batang Ama” at “Angelito: Ang Bagong Yugto”.

Matapos nito ay lumipat siya sa GMA-7 kung saan nabigyan din siya ng maraming mga proyekto sa telebisyon at pelikula. Sa ngayon ay “incumbent councilor” siya ng Valenzuela City.

Kamakailan lamang ay binati siya ng maraming mga netizens dahil sa pagsisilang niya sa kanilang panganay na anak. Nagsilang ng isang “baby boy” ang aktres na pinangalan nilang Baby Cesco o Martell Franceso Soledad.



“My answered prayer” at “Early Christmas present” nga ang paglalarawan ni Charee sa kanilang anak. Talaga namang walang mapagsidlan ang kaniyang kagalakan.

“My answered prayer. My baby Martell Francisco Soledad! So many blessing to be thankful for. First, Thank you Lord for our super early Christmas present. Thank you for keeping us safe.” Pagbabahagi ni Charee sa kaniyang Instagram post.

Nagpasalamat siya sa Diyos dahil sa naging ligtas ang kaniyang pagsilang, ligtas siya at ang kaniyang anak kahit pa nga 38 weeks pa lamang si Baby Cesco. Hindi rin niya nakalimutang pasalamatan ang mga doktor at nars na nag-asikaso sa kanilang mag-ina.

Maging ang kaniyang mister na si Martell ay nagpasalamat sa lahat ng mga taong tumulong at nagdasal para sa kaligtasan ng kaniyang mag-ina. Biro pa niya, panay kausap daw kasi ni Charee sa kanilang anak habang nasa sinapupunan pa niya ito.

Nais ni Charee na makasama na nila si Baby Cesco bago sumapit ang Kapaskuhan kung kaya naman Nobyembre 28, 2020 nang maipanganak siya. Tunay nga na walang makapapantay sa kaligayahan nadarama ng mga magulang oras na masilayan nila ang kanilang supling.

Maaaring mahirap ang pagbubuntis, panganganak, at pagpapalaki ng bata ngunit ang karanasang ito ay magkasamang pinagdaraanan ng mag-asawa na lalong nakapagpapatatag sa kanilang pagsasamahan.


Continue Reading

Showbiz

Ryza Cenon at asawa nito, isang anak lamang ang nais. Ito pala ang kanilang dahilan!

Published

on

Ang pagkakaroon ng mga anak ay isang biyayang maituturing mula sa Diyos. Hindi lahat ng mga magulang ay binibiyayaan ng anak o ng mga anak kung kaya naman talagang masayang masaya ang mga mag-asawa na nagkakaroon ng sarili nilang mga anak.

Kamakailan lamang ay nabigla nga ang publiko sa naging rebelasyon ng aktres na si Ryza Cenon na siya ay nagdadalang tao. Hindi naman lingid sa kaalaman ng publiko na kakahiwalay pa lamang nila ng kaniyang dating nobyo na si Cholo Barretto na isa ring sikat na aktor.

Sa kabila ng kabiguang ito ay nakatagpo siyang muli ng bagong pag-ibig sa katauhan ng kaniyang nobyo ngayon na si Miguel Antonio Cruz, isang cinematographer at anak ng isa sa pinakasikat na “production designer” sa bansa. Ayon sa ilang mga ulat ay nagkakilala ang dalawa dahil sa isang kaibigan.



Matapos ang halos pitong buwang panliligaw ni Miguel ay nakamit din niya ang matamis na oo ng aktres. Enero 2020 nang maging magkasintahan na nga ang dalawa. At Oktubre 31, 2020 naman ay nabiyayaan na sila ng isang supling, ang kanilang panganay na anak na lalaki na pinangalanan nilang “Knight”.


Talaga namang inabangan ng maraming mga tagahanga ni Ryza ang panganganak niya at ilang linggo lamang matapos niyang makapagsilang ay naitampok nila sa YouTube channel ni Ryza ang kanilang plano na magkaroon lamang ng isang anak. Para kasi sa kanila, nais nilang mapaglaanan ng buong atensyon, oras, at panahon ang kanilang anak.

Nais din nilang masigurado ang magandang kinabukasan nito lalo na at hindi na rin naman biro ang mahal ng mga bilihin at ng matrikula sa kolehiyo. Bagamat napag-uusapan na ito ng mag-asawa ay hindi pa rin naman nila tuluyang isinasara ang kanilang pintuan kung sakaling mabibiyaan pa silang muli ng isa pang anak.


Ngunit para sa ngayon ay nais na muna nilang magpokus sa pag-aalaga ng kanilang anak.


Continue Reading

Showbiz

Richard Gomez nagpahayag ng kaniyang reaksyon patungkol sa pagdadalaga at pakikipagdate ng kaniyang unica hija na si Julianna!

Published

on

Walang ibang hangad ang mga magulang kundi ang pagtatagumpay ng kanilang mga anak. Mahirap man at maraming sakripisyo ang pagiging isang ama o ina ay talaga namang napapawi ang mga ito ng pagmamahal at pagrespeto ng kanilang mga anak sa kanila.

Nakakalungkot lamang isipin na hindi habang panahon ay mananatiling bata ang mga anak, darating din kasi ang tamang panahon na magkakaedad sila at magkakaroon ng sarili nilang mga buhay. Sa ngayon nga ay unti-unti nang tinatanggap ng aktor na si Richard Gomez ang pagdadalaga ng kaniyang unica hija na si Juliana Marie Beatriz T. Gomez o mas nakilala ang publiko bilang si Juliana.

Bagamat nasa edad na ang kaniyang anak upang magdesisyon sa kaniyang sarili at tumuklas ng maraming mga bagay, hindi pa rin nawawala ang pagiging “protective father” ni Richard. Nais niyang protektahan ang kaniyang anak ngunit ayaw din naman niyang maging sobrang mahigpit dahil sa hindi rin naman ito makakatulong sa pagpapalaki nilang mag-asawa sa kaisa-isa nilang anak.




Aminado din naman ang aktor na lumalaking responsable at napakagandang dalaga ni Juliana kung kaya naman hindi na siya magtataka na maraming mga lalaki ang talagang umaaligid sa kaniyang anak. Dagdag pa niya, wala namang masama rito dahil sa parte talaga ito ng buhay ng isang tao at hindi rin naman niya maaaring pigilan ang kaniyang anak na gawin ito.

Para sa kaniya ay mas mabuting payagan na lamang ng mga magulang ang kanilang mga anak at bigyan ng pagtitiwalang nararapat para sa kanila sa halip naman na tumakas o magsinungaling pa ang mga ito sa kanila. Magiging dahilan pa ito ng pag-aaway at hindi pagkakaintindihan ng magulang at anak.

Sa tuwing mayroon namang ipapakilalang binata sa kaniya ang kaniyang anak na si Juliana ay madalas na hindi na lamang siya nagsasalita dahil sa wala talaga siyang masabi at iyon na lamang talaga ang kaniyang nagiging reaksyon, “speechless” wika niya.


Continue Reading

Trending

Copyright © 2020 Chosen Files Powered by Wordpress.org